AZƏRBAYCAN RESPUBLİKASININ İLK ELEKTRON ENSİKLOPEDİYASI
11 Yan

Adolf Hitler 1945-ci ildə ölməyib

Bu məqaləni qiymətləndir
(0 səs)

Rəsmi versiyalara əsasən, Adolf Hitleri 1945-ci ildə aprelin 30-da, Berlində Vilqelmştrasse 77-də yerləşən Reyxkanselariyanın yeraltı bunkerində ölmüşdür.

Bunkerdə tapılan bu adam həqiqətən Hitler? Bu sual indiyədək tədqiqatçıları narahat edir, çünki tapılan cəsəd elə hala salınıbmış ki, hətta ölünün yaşı haqqında təxminlər edilirmiş. Mütəxəssislər cəsədin  50-60 yaşlarında olduğunu belə, çətinliklə təxmin etmişlər.

Təsadufi deyil ki, Hitleri ölümündən bir neçə illər sonra Cənubi Amerikada, İspaniyada və Yaponiyada görənlər olub.

1970-ci ilin martında əvvəlki MTN sədri Y. Andropovun rəhbərliyi altında “Arxiv” kod adı altında keçirilən gizli əməliyyatda 21 fevral 1946-cı ildə Maqdeburqdakı hərbi şəhərcikdə dəfn olunan hərbi cinayətkarların qalıqlarının da məhv edilməsi həyata keçirilmişdir. Arxiv sənədlərə əsasən, dəfn olunmuşların qalıqları yandırılaraq külü Biderits çayına tökülmüşdür.


Ən çox bənzəyən oxşarlar

Şəxsi mühafizəçilərin dediklərinə görə, Hitlerin bir neçə oxşarı olub. Onların içərisində ən çox oxşayanı 1942-ci ilədək Breslau poliqrafiya fabrikində işləmiş Qustav Veller olmuşdur. Bu şəxs gestaponun şefi Müller tərəfindən aşkar edilib. Həmin şəxs Avstriyada anadan olmuş və Hitlerə qohum düşürmüş. Oxşar, Hitlerə nisbətən bir az dolu və qisaboylu idi. Oxşarın qısaboyluluğunu nəzərə çarpdırmamaq üçün ona altı qalın olan ayaqqabılar geyindirilərmiş.

Müller oxşarı 1942-ci ildən tədbirlərdə Hitlerin yerinə istifadə etmək istəsə də, Hitler buna razılıq verməmişdi. Yalnız 1944-cü ilin 20 iyulunda Hitlerə edilən sui-qəsdən sonra Hitler oxşarının onu əvəz etməsinə razılıq verir.

Tamam başqa Hitler

Bəzi şahidlərin dediklərinə görə, 1945-ci il aprelin 20-dən sonra Hitlerin fiziki və ruhi vəziyyəti daha da pisləşməyə başlayır. Onun nitqində əlaqəsizlik və anlaşılmazlıqlar var idi. O, tez-tez yaddaşını itirirmiş. Hətta Hitlerin xətti belə dəyişibmiş. Şahidlərin dediklərindən belə nəticə hasil olur ki, 20 aprel 1945-ci ildən sonra bunkerdəki Hitlerin özü deyil, onun oxşarı Qustav Veller imiş.


İki cəsəd

Əsas şübhə doğuran odur ki, Hitlerin cəsədi tək olmamışdır, ən azından iki cəsəd tapılmışdır. Bir cəsədi podpolkovnik İvan Klimenkonun başçılıq etdiyi qrup Reyxkanselariyanın bağında tapmışdır. Bu cəsədi bilərəkdən elə basırmışlar ki, rəqib tərəf (yəni- Sovet hərbiçiləri) onu çox asanlıqla tapa bilsin.

Həmin vaxtlar bunkerdə saxlanılan Veller tezliklə öldürüləcəyini ağlına belə gətirmirdi. Düşünürdü ki, Hitler etibarlı, yaxşı bir yerdə yerləşib gizləndikdən sonra onu sərbəst buraxacaqlar. Amma bu heç də belə olmadı... Veller “valter” markalı pistoletlə alnının düz ortasından güllələndi.

Reyxkanselariyanın bağında tapılan cəsəd detalları ilə tədqiq olunarkən müxtəlif uyğunsuzluqlar ortaya çıxmışdır. Belə ki, həmin cəsədin ayağındakı corablar yamaqlı imiş. Şübhəsiz ki, Hitler yamaqlı corab geyinməyi özünə rəva bilməzdi və yamaqlı corab geyinməzdi də. Stalin biləndə ki, cəsəd Hitlerin deyil, onun oxşarının cəsədidir, cəsədi məhv etməyi əmr etmişdir. Sonra isə bu fikrindən daşınmış və əmr etmişdir ki, cəsədi Moskvaya göndərsinlər. Cəsədi buza qoyub Moskvaya göndərirlər və Moskvada dəqiq tədqiq olunduqdan sonra gizli olaraq krematoriya sobasında yandırılaraq məhv edilir. Aparılan tədqiqatlardan məlum olduğu kimi izi itirmək üçün Hitlerin əvəzinə Velleri güllələyib yandırmışlar.

Digər bir versiyaya görə, Reyxkanselariyanın bağında tapılan cəsəd heç Vellerinki də deyilmiş. Bu cəsəd Hitlerin digər bir oxşarı olan Klaus Buşterin cəsədi imiş, (Hitlerin bu oxşarı haqqında heç kəs bilmirmiş) hətta ona Hitlerin protez dişləri ilə eynilik təşkil edən protez dişlər də düzəldilibmiş ki,  cəsədi tapılarkən onun Hitler olduğuna tam əmin olunsun. Reyxkanselariyanın bağında tapılan cəsədin (əsasəndə, onun ağzındakı protez dişlərin məhz Hitlerə məxsus olduğunu fürerin şəxsi stomotoloqu təsdiqləyəndən sonra) məhz Hitlerə məxsus olduğu təxmin edilsə də, yenə müəyyən şübhələr var.

O vaxtdan indiyədək bu hadisələr ətrafında söz-söhbətlər, müxtəlif versiyalar və şübhələr dünyanı dolaşmaqda davam edir.

 
Azens.az / Jalə Orucova
 
Oxu 1031 dəfə

Şərh verin.